影片
更多
2022-09-09
135 瀏覽
今日喺附近打完針，諗住上載完張疫苗通行證之後，就去食少少嘢醫肚啦😆😆入去東港城分店之前，女經理叫我嘟安心出行，同時呼喝佢嘅同事執枱，就冇理到我已經嘟咗安心出行。點知佢叫我再嘟多次，我唯有照做，點知第二次嘟，佢地部機就顯示我張通行證唔符合要求，既然第一次得，點解第二次唔得呢？😅咁我唯有問下個女經理點算好。🙉🙉點知個女經理態度極度惡劣，一手攔實我，大聲呼喝我話：我頭先咪話而家執緊枱！麻煩你企喺度等等！😡😡其實我只係想問下你地餐廳部機做咩話我個通行證唔得姐🙃我連張書面針紙都喺身，可以拎出嚟俾你睇都得….點知俾人鬧返轉頭，以為係我想催佢入座，人地唔知以為我帶依波拉病毒入餐廳😅之前都有幫襯開，都係嗰個瘦削嘅男經理有禮貌得多！😂
入去東港城分店之前，女經理叫我嘟安心出行，同時呼喝佢嘅同事執枱，就冇理到我已經嘟咗安心出行。
點知佢叫我再嘟多次，我唯有照做，點知第二次嘟，佢地部機就顯示我張通行證唔符合要求，既然第一次得，點解第二次唔得呢？😅咁我唯有問下個女經理點算好。🙉🙉
點知個女經理態度極度惡劣，一手攔實我，大聲呼喝我話：我頭先咪話而家執緊枱！麻煩你企喺度等等！😡😡
其實我只係想問下你地餐廳部機做咩話我個通行證唔得姐🙃我連張書面針紙都喺身，可以拎出嚟俾你睇都得….
點知俾人鬧返轉頭，以為係我想催佢入座，人地唔知以為我帶依波拉病毒入餐廳😅
之前都有幫襯開，都係嗰個瘦削嘅男經理有禮貌得多！😂
張貼