影片
更多
2018-10-26
53 瀏覽
王氏力場，又到happy Friday night, 今次同埋太太，囡囡一同去九龍灣一個商場裏面，試下呢間曼谷泰國菜。睇佢餐牌 ，好少人夠膽寫上正宗泰國菜。呢個商品說明。所以我哋更加好奇，試下呢間無泰國人招呼嘅餐廳，究竟對比九龍城泰國菜館水平比較邊個出色，分個高低。餐牌上面價錢比較大眾化， 比起九龍城中價泰國餐廳。 甚至乎畀佢哋更加抵食， 所以我哋點咗幾個小菜試下， 順便同各位分享下今次食評。我哋最後點咗西柚沙律，炒金邊粉，沙嗲串燒，乾咖哩豬頸肉，燒豬手煲，同埋老婆最愛嘅泰國生啤。先介紹呢個，泰式柚子沙律。淨係食柚仔都已經夠曬飽，差唔多用咗半個金柚先做到呢個菜。同出面泰國餐廳比起，佢哋金柚分量非常之多。味道亦同出面一般食到嘅泰國餐廳味道不相伯仲 但取決於量嘅問題，呢度更勝所有餐廳， 喺必點嘅前菜推介。泰式炒金邊粉，係大部分香港人必order嘅食物。唔好睇佢好似一個碗仔咁細嘅份量，我同太太都比佢低估咗， 因為佢完全實嘅，你撥開咗之後自然有十分之驚喜，起碼三個人成年人先可以食得曬。 味道方面，偏甜不太辣。所以喜歡辣一點嘅朋友，可能需要下單前要加辣。但係我本身不是食辣的人，所以我同太太都比較
睇佢餐牌 ，好少人夠膽寫上正宗泰國菜。呢個商品說明。所以我哋更加好奇，試下呢間無泰國人招呼嘅餐廳，究竟對比九龍城泰國菜館水平比較邊個出色，分個高低。
餐牌上面價錢比較大眾化， 比起九龍城中價泰國餐廳。 甚至乎畀佢哋更加抵食， 所以我哋點咗幾個小菜試下， 順便同各位分享下今次食評。
我哋最後點咗西柚沙律，炒金邊粉，沙嗲串燒，乾咖哩豬頸肉，燒豬手煲，同埋老婆最愛嘅泰國生啤。
先介紹呢個，泰式柚子沙律。淨係食柚仔都已經夠曬飽，差唔多用咗半個金柚先做到呢個菜。同出面泰國餐廳比起，佢哋金柚分量非常之多。味道亦同出面一般食到嘅泰國餐廳味道不相伯仲 但取決於量嘅問題，呢度更勝所有餐廳， 喺必點嘅前菜推介。
泰式炒金邊粉，係大部分香港人必order嘅食物。唔好睇佢好似一個碗仔咁細嘅份量，我同太太都比佢低估咗， 因為佢完全實嘅，你撥開咗之後自然有十分之驚喜，起碼三個人成年人先可以食得曬。
味道方面，偏甜不太辣。所以喜歡辣一點嘅朋友，可能需要下單前要加辣。但係我本身不是食辣的人，所以我同太太都比較喜歡呢個合港人口味既金邊粉。
另外太太，十分喜愛沙嗲串燒，所以我都order半打畀佢，分別係雞同豬，燒烤味十分濃郁 好明顯係自家製，並唔係交貨。小弟值得推介之一。
當晚最驚喜嘅泰國菜非他莫屬，乾咖哩炒豬頸肉，佢嘅味道同咖哩炒蟹嘅味道一模一樣，非常之有層次， 直頭同泰國本土nana餐廳有得比。有時候，喺香港其他泰國餐廳都未必有呢個餸可以提供。咖哩汁再加上蒜蓉包呢個配搭永遠都係絕配。大家記住不妨試下呢個，十分驚喜嘅小菜，可能喺呢間餐廳嘅signature 。
另外一個紅燒豬手， 佢哋用煲嘅形式上，有別於其他泰國餐廳。可能佢哋下次要喺餐廳餐牌上面說明係紅燒豬手煲，介紹多啲 以免其他人有誤會。
但整體而言肉質鮮甜嫩滑，亦係一個十分之開胃菜食。
有咁多好味小菜，當然少不免加杯凍飲。 太太最後都order咗泰國大象生啤，因為貪佢做緊promo，細杯嘅價錢可以飲到大杯嘅容量十分之抵。所以一大班朋友呢到暢飲食野，就更加開心啦。
餐廳內環境衛生良好，亦有泰國車站嘅特色所以因此命名，曼谷車站。
整體而言，可以用九龍城泰國餐廳嘅價錢 ，但係可以係優美環境下享受，比起一般衛生情況冇咁好嘅泰國餐廳比較下，各位 你哋下次識揀啦。
張貼
