甜品店以湖水綠色做主調，幾relax舒服，座位亦比一般港式甜品店闊落舒服。
飲用水可以喺自助區斟。
佢地主要賣唔同口味嘅椰皇、爽冰、雙皮奶同杏仁茶飲品，另外亦有多款中式同港式糖水。
呂宋芒小丸子杏仁茶吸吸($55) - 杏仁茶吸吸飲倒好香杏仁味，因為加左芒果，攪勻佢飲芒果嘅微酸會令茶吸吸冇咁膩但又唔會搶左杏仁味，杯底仲有好多小丸子，好煙韌。
貓山王榴槤爽冰($59) - 爽冰上面有一大球榴槤肉，好濃榴槤味但唔會有苦澀味，爽冰有啲似綿綿冰，口感比較幼滑，因為加左西米，所以食落有少少脆口感，冰底本身都有榴槤味，所以唔會話食到尾得返冰味。
椰皇湯丸燉雙皮奶($69) - 椰皇入面有三粒湯丸，係綠抹茶味，湯丸幾滑，皮唔會太厚，抹茶餡咬開有流心。雙皮奶非常滑溜，食完仲可以挖埋椰皇啲肉食，椰肉都好腍好易挖。
總結，甜品幾有特式，我特別鍾意杏仁茶吸吸，好香杏仁味。哩度比一般甜品店大坐得舒服，唔洗一食完就要即刻趕住走。
