摩豆

營業中

休息中

夜晚買左底朱古力雞蛋仔$22，等大概10分鐘即叫即整拎上手熱辣辣，個外殼係脆脆的，內裡朱古力半溶，係口入邊化開暖暖又軟軟的朱古力漿。唔會過甜~~原本朱古力就係最保險既選擇，不過外脆內軟，真係無得輸見到有咁多其他口味，伯爵、抹茶、蜂蜜、芝士、班蘭、肉鬆......都幾特別，下次可以試下~呢間雞蛋仔個日夜晚都好多人等緊。款式多固然吸引人，不過我諗主要係質素keep到，先會咁多回頭食客。一到手，5分鐘就KO，果然就係要趁熱食啊！