更多
2023-06-03
38 瀏覽
呢間位於大角咀嘅Cafe一直都係人氣爆燈✨餐廳嘅自家製特濃朱古力更加係人氣no.1嘅招牌😋好多人都慕名而來飲佢個朱古力㗎!Bookmark咗好耐,呢日終於同朋友嚟食Lunch🙌🏻🌟是日餐湯:甘筍湯🥕中午有Lunch set都幾抵🤓有配餐湯同飲品~甘筍湯呈金黃色,飲落去係香甜嘅甘筍味,每一啖都會飲到甘筍蓉,感覺天然同足料🥰🌟法式油鴨脾配薯蓉 $98油鴨脾大大隻,食落啖啖肉好正😎鴨味好重,而且肉質好嫩😋薯蓉份量好多,入口好順滑Creamy!!好香忌廉味🥰食完都幾飽!🌟自家製芥末洋蔥醬炸雞窩夫🧇 $148呢個炸雞窩夫都係其中一個吸引到我嚟嘅原因🤩超大份!有兩大件炸雞同兩件窩夫🧇,上面仲有一隻太陽蛋!😍上面林滿咗自家製嘅芥末洋蔥醬同花生果仁碎🥜賣相一流🤩💖另外配上楓糖漿🤤淋埋落去好邪惡😈炸雞好大件,炸粉厚薄適中,肉質嫩滑唔會乾,配埋楓糖漿係韓式蜂蜜炸雞嘅味道😝窩夫雖然略嫌唔夠脆,不過配埋楓糖漿同芥末洋蔥醬,鹹鹹甜甜咁幾夾😛呢個配搭真係滿足到我兩個願望❤️🌟阿祖朱古力心太軟配雪糕 $88話明朱古力係招牌,梗係要試下朱古力心太軟🤤雪糕可以揀豆腐味或者玄米茶味,我哋就揀咗豆腐✨心太軟上面有兩隻眼仔👀勁
🌟是日餐湯:甘筍湯🥕
中午有Lunch set都幾抵🤓有配餐湯同飲品~甘筍湯呈金黃色,飲落去係香甜嘅甘筍味,每一啖都會飲到甘筍蓉,感覺天然同足料🥰
🌟法式油鴨脾配薯蓉 $98
油鴨脾大大隻,食落啖啖肉好正😎鴨味好重,而且肉質好嫩😋薯蓉份量好多,入口好順滑Creamy!!好香忌廉味🥰食完都幾飽!
🌟自家製芥末洋蔥醬炸雞窩夫🧇 $148
呢個炸雞窩夫都係其中一個吸引到我嚟嘅原因🤩超大份!有兩大件炸雞同兩件窩夫🧇,上面仲有一隻太陽蛋!😍上面林滿咗自家製嘅芥末洋蔥醬同花生果仁碎🥜賣相一流🤩💖另外配上楓糖漿🤤淋埋落去好邪惡😈炸雞好大件,炸粉厚薄適中,肉質嫩滑唔會乾,配埋楓糖漿係韓式蜂蜜炸雞嘅味道😝窩夫雖然略嫌唔夠脆,不過配埋楓糖漿同芥末洋蔥醬,鹹鹹甜甜咁幾夾😛呢個配搭真係滿足到我兩個願望❤️
🌟阿祖朱古力心太軟配雪糕 $88
話明朱古力係招牌,梗係要試下朱古力心太軟🤤雪糕可以揀豆腐味或者玄米茶味,我哋就揀咗豆腐✨心太軟上面有兩隻眼仔👀勁可愛!😝外皮焗得好香脆,一切開朱古力醬好似熔岩咁流出來😈😍超級流心!而且朱古力味真係好濃😱雪糕好香豆腐味,但如果一齊食嘅話就會比朱古力味蓋過咗~🫣另外淋咗啲蜜糖同藍莓🫐,配埋一齊食都好夾🥰
🌟士多啤梨奶昔🍓 $46 (跟餐-$10)
好鍾意呢杯士多啤梨奶昔😋飲落好順滑,打發完口感仲有啲泡泡嘅感覺😛而且士多啤梨味天然,仲飲到一粒粒果肉!唔會好甜同好杰,但飲落真係舒服嘅感覺🙌🏻
🌟二世祖特濃朱古力🍫 $48
會話呢個朱古力真係好誇張!唔怪得係餐廳嘅招牌!真係好濃😭😱係我飲過最濃嘅朱古力❤️朱古力嘅配方係餐廳自家調製,樽裝雪凍咗,所以唔會好似出面朱古力咁加咗冰之後冇味💖朱古力好滑,飲落口朱古力味係衝擊口腔😂🤣成口都係濃濃嘅朱古力味🤤飲完之後食咩都無味😝🤣但真心好正!一定要嚟試!
食完呢餐之後覺得全身嘅血液都流住朱古力😂😂😂😂真係好誇張!朱古力控一定唔可以錯過!而且其他主食都好食😛推介推介~🙌🏻
加一服務費:❎
回頭率:❤️❤️❤️❤️❤️ (5個❤️為滿分)
📍地址:二世祖 (大角咀)
大角咀福全街18號地舖
張貼