札幌拉麵 Miso No.1

營業中

休息中

好耐冇食日本嘢，今日放咗工想食拉麵，去咗荃新天地二期，有間專賣札幌拉麵同咖喱既專門店。未入去已經聽到店員熱烈地歡迎客人，好有日式氣氛。入到去餐廳裝修好有日式木系風情，夾雜住紅色牆紙，好有活力！1）赤豚拉麵（辣）- 湯底充滿住辣椒味，大約有譚仔五小辣。拉麵麵條爽口彈牙，索曬d辣味，好過癮！拉麵有兩塊大叉燒，肥瘦適中， 唔錯！2）漢堡奄列咖哩飯套餐- 即叫即整， 等咗大約15分鐘，熱辣辣嘅漢堡扒咖哩終於上枱！奄列蛋炒得香滑，咖哩甜甜辣辣，配上兩大塊漢堡扒，色香味俱全！套餐仲有麵豉湯同沙律，食完好飽。3）天婦羅魷魚- 炸到金黃色，薄薄嘅炸皮滿住包每條魷魚，魷魚亦都先甜美味。 配上檸檬汁，清新怡人！