影片
更多
2021-08-28
580 瀏覽
其實上一個星期先喺荃灣食過牛太，但啲肉我哋唔係太滿意😔，今次都係穩陣啲食返間食過都ok嘅彌補番心靈缺失💔。反正都係食，今次食個價錢貴啲嘅黑毛和牛燒肉🍖，一於睇吓有咩分別。.因為係同一個集團所以都同樣做緊夏祭🎐，入去之前可以玩返個釣魚遊戲🎣大獎埋單有折扣，就算釣唔到都會有小禮物🎁。.📍特別極上和牛燒肉放題 (100mins) ($459).價錢唔係平，而呢個餐最值錢當然係佢嘅任食黑毛和牛🐃，果然係一食就分得出高下，和牛肉質軟嫰好多，唔需要多咬就可以吞落肚😋，仲要見到有雪花紋❄️。.其他牛肉都好似比荃灣牛太好少少，而海鮮🌊、蔬菜🥬同飯麵都同牛太差唔多。海鮮方面帆立貝同海蝦🦐都唔錯，另外雞睥菇同醬油蒜頭燒過後都好食🤙🏻。.另外感覺呢間嘅溫泉蛋飯蛋汁都多好多🐣加埋啲肉食真係好送飯🍚。甜品方面有小丸子同鯛魚燒，兩款燒過後都煙靭幾好食。不過款式又真係冇牛太咁多👉🏻👈🏻。飲品方面選擇唔少，最特別都係有日本直送嘅『波子汽水』任飲💙。.時間上100分鐘其實都食得有啲趕，不過呢度上菜都算快而且冇漏單，最重要係店員嘅服務態度都好好❤️。而食物方面，牛肉真係好食過荃灣牛太，而黑毛和牛更加係明顯食得出有分別🥩。不過
其實上一個星期先喺荃灣食過牛太，但啲肉我哋唔係太滿意😔，今次都係穩陣啲食返間食過都ok嘅彌補番心靈缺失💔。反正都係食，今次食個價錢貴啲嘅黑毛和牛燒肉🍖，一於睇吓有咩分別。
.
因為係同一個集團所以都同樣做緊夏祭🎐，入去之前可以玩返個釣魚遊戲🎣大獎埋單有折扣，就算釣唔到都會有小禮物🎁。
.
📍特別極上和牛燒肉放題 (100mins) ($459)
.
價錢唔係平，而呢個餐最值錢當然係佢嘅任食黑毛和牛🐃，果然係一食就分得出高下，和牛肉質軟嫰好多，唔需要多咬就可以吞落肚😋，仲要見到有雪花紋❄️。
.
其他牛肉都好似比荃灣牛太好少少，而海鮮🌊、蔬菜🥬同飯麵都同牛太差唔多。海鮮方面帆立貝同海蝦🦐都唔錯，另外雞睥菇同醬油蒜頭燒過後都好食🤙🏻。
.
另外感覺呢間嘅溫泉蛋飯蛋汁都多好多🐣加埋啲肉食真係好送飯🍚。甜品方面有小丸子同鯛魚燒，兩款燒過後都煙靭幾好食。不過款式又真係冇牛太咁多👉🏻👈🏻。飲品方面選擇唔少，最特別都係有日本直送嘅『波子汽水』任飲💙。
.
時間上100分鐘其實都食得有啲趕，不過呢度上菜都算快而且冇漏單，最重要係店員嘅服務態度都好好❤️。而食物方面，牛肉真係好食過荃灣牛太，而黑毛和牛更加係明顯食得出有分別🥩。不過人流上APM分店比荃灣店更多人，有興趣嘅記得早啲嚟，排隊真係少不免㗎🙈。
張貼
