影片
更多
2011-04-16
14 瀏覽
一直都知這間是歷史猶久的茶餐廳, 諗住難得行過都要支持下這間茶餐廳當懷舊下.入到去地下層是冇冷氣 得把風扇吹, 因今日都有29-30度, 有D熱, 便上樓上.樓上環境真是不錯, 而且仲有冷氣, 還可以望到街旁的廟宇及公園, 環境一流.但當和朋友望望餐牌, 發覺是冇任何套餐, 都唔緊要, 我地咪散叫啦.點知D食物的價錢貴得嚇人.奶茶 咖啡 十幾蚊是正常價, 但當睇到食物時, 一碟會意粉是五-六十蚊, 一碗豬排湯通粉三十蚊, 其他求其一個飯也要五十至七十不等.我地都哇哇聲, 都知物價高漲, 但冇諗過這間裝修麻麻的茶餐廳的食物價錢會貴過旁邊的酒店.叫個熱奶茶, 唔好飲又唔夠熱, 上抬時係微暖仲要成杯有三分一是茶葉渣. 連茶渣都未隔好點搞呀, 一個字形容 餐旦治, 餐肉冇煎過 面包乾到脆, 唉~~ 唔掂.豬肉湯通, 通粉爛晒, 湯好似用鹽水開的咸到死. 莫非個老闆之前, 入左太多鹽所以大贈送落晒係D湯度!其實今日下午唔多人, 但坐底好一陣一直都冇人過來, 冇水冇招呼, 叫了好幾次俾杯水都冇反應. 同佢講杯奶茶太多渣有冇得隔一隔, 個侍應發晒爛渣.講真, 收咁貴的價錢, 冇服務 食物
入到去地下層是冇冷氣 得把風扇吹, 因今日都有29-30度, 有D熱, 便上樓上.
樓上環境真是不錯, 而且仲有冷氣, 還可以望到街旁的廟宇及公園, 環境一流.
但當和朋友望望餐牌, 發覺是冇任何套餐, 都唔緊要, 我地咪散叫啦.
點知D食物的價錢貴得嚇人.
奶茶 咖啡 十幾蚊是正常價, 但當睇到食物時, 一碟會意粉是五-六十蚊, 一碗豬排湯通粉三十蚊, 其他求其一個飯也要五十至七十不等.
我地都哇哇聲, 都知物價高漲, 但冇諗過這間裝修麻麻的茶餐廳的食物價錢會貴過旁邊的酒店.
叫個熱奶茶, 唔好飲又唔夠熱, 上抬時係微暖仲要成杯有三分一是茶葉渣. 連茶渣都未隔好點搞呀, 一個字形容 [差]
餐旦治, 餐肉冇煎過 面包乾到脆, 唉~~ 唔掂.
豬肉湯通, 通粉爛晒, 湯好似用鹽水開的咸到死. 莫非個老闆之前[盲搶鹽], 入左太多鹽所以大贈送落晒係D湯度!
其實今日下午唔多人, 但坐底好一陣一直都冇人過來, 冇水冇招呼, 叫了好幾次俾杯水都冇反應. 同佢講杯奶茶太多渣有冇得隔一隔, 個侍應發晒爛渣.
講真, 收咁貴的價錢, 冇服務 食物也應該有質素, 又冇服務食物質素又差. 整體形容這間店, 三個字 [超級差]
以後都唔會再光顧.
張貼