双囍冰室

營業中

休息中

專登為呢間嘢開個account寫！！！！朋友介紹，行完南生圍一行十人打算去試試，點知未食一肚火， 店員態度非常惡劣，未食已經離場！一行入餐廳, 有位女侍應指我地10個行去入面坐。行去入面有另一個男侍應又問多次幾位, 我話10位。男侍應用以態度非常惡劣講：10位？去茶樓啦！冇呀！！！ 我自己都未嚟得切反應，佢再講：冇呀！10位就去茶樓啦！走啦！直情係趕人走！但係當時男侍應指番我哋出去果時，女侍應又問返男侍應入面點解冇10位，兩位侍應都爭論咗幾句，好明顯男女侍應自己都無溝通。但係如果無10位可以提出話要分枱/直接話無10位，有咩理由叫人走啦去茶樓。趕人走不特止，態度仲要非常惡劣，結果未坐低已經離場，一肚火，一定唔會有下次。