影片
更多
2021-03-26
59 瀏覽
今晚同男友食韓式燒肉，呢間炑八有數間分店，之前都食過幾次，最近見有限定套餐，所以即刻要黎嘆下韓燒。環境乾淨又夠寬敞，坐得好舒服，而且冷氣夠，食燒肉唔會熱，同埋抽油煙都做得幾好，食完身上無留味。今晚我地點左呢款 「慶州勝利豚套餐 $698」，超級豐富，好多美食，同埋夠哂滿足飽肚。套餐有沙律、三款牛肉、兩款豬肉、墨魚及年糕，仲有四款泡菜，另外加錢點左兩款梳打。沙律好多新鮮乾淨蔬菜，拌芝麻醬，酸酸地帶芝麻香，好開胃醒神，又可配搭燒肉食，清減油膩感。薄切牛舌醃得入味，薄切好快燒熟，牛舌十分爽口，微彈好好咬，好味到食完唔夠喉。韓燒爐兩邊都有放野食，芝士粟米可拉絲，芝士咸香粟米香甜。泡菜雞蛋微辣惹味雞蛋香滑。醬油牛小排用醬油醃，所以好夠味，直接燒熟就食，牛味濃郁，肉質柔嫩多汁，脂肪豐富，油香滿口。韓牛前胸肉牛脂唔會過多，分佈平衡，燒完有牛扒嘅感覺，牛味重，較有咬勁，越咬越有肉汁，亦都較厚身，非常有肉感，好正。韓風墨魚墨魚身無醃，所以好雪白好靚，燒熟口感軟綿，入口好柔和。墨魚爪醃過，味道微辣好香好惹味，質感也很爽彈。慶州豬梅肉豬梅肉這部位比一般豬扒更嫩更腍，豬味都重，肉質細膩，加辣醬、蒜片、泡菜……
今晚同男友食韓式燒肉，呢間炑八有數間分店，之前都食過幾次，最近見有限定套餐，所以即刻要黎嘆下韓燒。環境乾淨又夠寬敞，坐得好舒服，而且冷氣夠，食燒肉唔會熱，同埋抽油煙都做得幾好，食完身上無留味。
今晚我地點左呢款 「慶州勝利豚套餐 $698」，超級豐富，好多美食，同埋夠哂滿足飽肚。
套餐有沙律、三款牛肉、兩款豬肉、墨魚及年糕，仲有四款泡菜，另外加錢點左兩款梳打。
沙律
好多新鮮乾淨蔬菜，拌芝麻醬，酸酸地帶芝麻香，好開胃醒神，又可配搭燒肉食，清減油膩感。
薄切牛舌
醃得入味，薄切好快燒熟，牛舌十分爽口，微彈好好咬，好味到食完唔夠喉。
韓燒爐兩邊都有放野食，芝士粟米可拉絲，芝士咸香粟米香甜。泡菜雞蛋微辣惹味雞蛋香滑。
醬油牛小排
用醬油醃，所以好夠味，直接燒熟就食，牛味濃郁，肉質柔嫩多汁，脂肪豐富，油香滿口。
韓牛前胸肉
牛脂唔會過多，分佈平衡，燒完有牛扒嘅感覺，牛味重，較有咬勁，越咬越有肉汁，亦都較厚身，非常有肉感，好正。
韓風墨魚
墨魚身無醃，所以好雪白好靚，燒熟口感軟綿，入口好柔和。墨魚爪醃過，味道微辣好香好惹味，質感也很爽彈。
慶州豬梅肉
豬梅肉這部位比一般豬扒更嫩更腍，豬味都重，
肉質細膩，加辣醬、蒜片、泡菜……用生菜包來食，口感非常豐富。
慶州五花肉
好肥美好香豬脂香，燒肉時，有陣陣香味，也較大煙，不過餐廳吸油煙都做得幾好，食完d衫無咩燒肉味。五花肉入口充滿油香，所以要包生菜食，解膩又好味。
辣炒年糕
份量頗多，年糕軟糯煙韌，魚糕片柔軟有口感，沾滿甜辣醬，越食越濃味，辣味隨之而來，幾刺激，幸好易散退，熟蛋整散沾辣醬同食，更加滋味。
神石榴士多啤梨梳打
桃紅色好搶眼，士多啤梨味突出，個底有石榴粒粒，味道清新爽口，梳打夠氣好順喉，最岩食完燒肉飲啖，清新味蕾，再食過。
藍天使梳打
好靚天藍色，係檸檬味梳打，夠哂冰凍解膩，檸檬味唔會好重，亦不過酸，微甜好清爽。
張貼
