Cafe Fabulous

營業中

休息中

之前一直都叫男朋友同我去呢一間cafe fabulous食嘢，一直都唔得閒，早排放假終於都可以夾到時間一齊去呢間餐廳食飯啦，真係非常之開心！叫咗一個好抵食嘅二人餐，我好鍾意食呢度嘅炸雞翼！炸得金黃鬆脆，而且雞翼非常多汁，好滋味！另外仲叫咗呢一個咖喱吉列大蝦飯！呢一度嘅咖喱係甜辣嘅日式咖喱，而且上面嘅吉列大蝦亦都好香口！仲有呢一份芝士肉醬千層麵！超級大份嘅千層麵，而且呢個雞肉咗亦都好香，再加埋邪惡嘅芝士喺上面，令到成個千層麵嘅口感味道都非常有層次！食Cafe當然唔少得要飲朱古力啦，我今次就叫咗呢一杯榛子朱古力！朱古力嘅香味非常強烈！而且榛子嘅味道亦都調配得啱啱好！