影片
更多
2015-01-23
1206 瀏覽
我朋友話會帶我食正拉麵好耐，結果真係拖左成個月，終於的起心肝仔去食。非常之咁好彩唔洗排好耐已經入到去食啦。職員有禮細心，主動幫我問洗唔洗雪好啲甜品同埋放好個袋。雖然啲枱非常逼，但個氣氛都幾唔錯。我大膽一試，叫左個黑媽媽嘅黑王拉麵。一黎到已然香到不得了！最初都唔係好敢擺入口，但冇辦法、實在太香啦。碗入面有一球圓圓的黑色波、上面有啲炸過巳乾蒜，有一堆木耳、椰菜同幾片日本腩肉。果球原來係黑蒜蓉，我拌勻之後先食，相信味道會好同均勻啲。本人係偏向鍾意淋麵質嘅，所以我都order 左淋、多香麻油、中度濃味同要木耳要菜(走蔥)。其實所謂淋麵質對我黎講剛剛好，彈牙，唔會粉。份量is fit also.個湯係最值得加許：非常好味，夠濃蒜味但又唔會太搶。每一啖都好好味，唔會飲飲下覺得冇曬味或者飲飲下好濃好咸。而且成個湯雖然好黑，但係其他食材一樣保持到原味，唔會得湯味。個腩肉肥瘦適中，但我真心覺得啲肉可以大片同埋厚肉少少><搞到我要另加一碟腩肉。最應該推薦俾大家嘅係配菜：芽菜同芝麻都係任落，當然我都唔會執輸落左好多啦。但我覺得芽菜雖然好好味，但係太辣啦。真係建議可以少辣啲，等唔食辣嘅朋友仔
我朋友話會帶我食正拉麵好耐，結果真係拖左成個月，終於的起心肝仔去食。
非常之咁好彩唔洗排好耐已經入到去食啦。職員有禮細心，主動幫我問洗唔洗雪好啲甜品同埋放好個袋。雖然啲枱非常逼，但個氣氛都幾唔錯。
我大膽一試，叫左個黑媽媽嘅黑王拉麵。一黎到已然香到不得了！最初都唔係好敢擺入口，但冇辦法、實在太香啦。碗入面有一球圓圓的黑色波、上面有啲炸過巳乾蒜，有一堆木耳、椰菜同幾片日本腩肉。果球原來係黑蒜蓉，我拌勻之後先食，相信味道會好同均勻啲。
本人係偏向鍾意淋麵質嘅，所以我都order 左淋、多香麻油、中度濃味同要木耳要菜(走蔥)。其實所謂淋麵質對我黎講剛剛好，彈牙，唔會粉。份量is fit also.
個湯係最值得加許：非常好味，夠濃蒜味但又唔會太搶。每一啖都好好味，唔會飲飲下覺得冇曬味或者飲飲下好濃好咸。而且成個湯雖然好黑，但係其他食材一樣保持到原味，唔會得湯味。
個腩肉肥瘦適中，但我真心覺得啲肉可以大片同埋厚肉少少><搞到我要另加一碟腩肉。
最應該推薦俾大家嘅係配菜：芽菜同芝麻都係任落，當然我都唔會執輸落左好多啦。但我覺得芽菜雖然好好味，但係太辣啦。真係建議可以少辣啲，等唔食辣嘅朋友仔都可以食到。
黑王
55 瀏覽
0 讚好
0 留言
張貼
