所以我決定要去食返間正既日本野, bookmark左呢間係銅鑼灣既日本餐廳好耐
, 因為見朋友post相話呢到刺身好新鮮, 結果真係無令我失望呀!!!!
餐廳座位好闊絡, 掛滿日式風情畫作既牆身, 配埋幽暗燈光, 相當有情調呢
, 而且有部份卡位係自成一角, 好適合朋友或者情侶想揾個寧靜舒適既地方慢慢暢談, 不過可能要book位時講定先. 大家留意下~
先來一客日式沙律!
無論食咩餐都中意食沙律作頭盤, 而西式同日式既沙律我更愛日式, 因為日式既通常都係芝麻醬, 好正
! 今次都唔例外, 食左個日式豆腐沙律, 豆腐切成細粒方型進食好方便, 日本豆腐都好難唔滑嫰係咪先XD 
蔬菜已經預先撈云好哂d芝麻醬, 岩岩好每啖都食到! 
最正係原來有好多芝士粒, 睇落仲以為係豆腐粒, 咸香度十足!!
今次唔叫串燒, 但都要叫魚乾, 魚乾絕對係居酒屋前菜既佐酒佳物~~~(雖然我唔飲酒XDD)
魚乾即烤上枱時帶有温度, 比起之前食既呢到較厚身, 所以更有嚼頭, 而且個醬汁好夠濃甜, 惹味無比!!! 點埋沙律醬真係無得輸~~~~~
刺身盛盒8款 $720
刺身係我黎呢到既原因, 全部新鮮由日本師傅準備, 有兩款盛盒選擇, 分別係6種同8種, 但既然黎到當然要試最正架啦! 全部都幾厚身同埋色澤光鮮, 未食都feel到會好新鮮~~~~
分別有吞拿魚腩、吞拿魚、油甘魚、三文魚腩、帆立貝、赤貝、牡丹蝦同埋真鯛。店員建議我地由赤貝同蝦等較淡味既刺身食先, 赤貝夠爽彈, 真鯛清淡但黎帶有獨特既魚肉質感, 我既最愛一定係三文魚腩同帆立貝
, 兩者都柔滑軟稔, 至於主角吞拿魚腩同吞拿魚往往係用作評價一間日本餐廳刺身新鮮度既標準之一, PASS喎! 
吞拿魚相比腩肉較薄身, 但魚味確係濃郁, 至於吞拿魚腩入口即溶, 魚脂非常平均呢!!!
壽司盛合 8件 $320
雖然有得揀十二貫定八貫, 但刺身都試左多款式, 來個8貫都已經好滿足了!!
分別真鯛、吞拿魚、油甘魚、三文魚腩、赤貝、海膽、甘蝦同埋三文魚籽
。食刺身時已體驗過佢既拖羅質素, 呢個就可以試里佢既海膽同三文魚籽,睇返menu原來一件海膽同三文魚籽壽司都要$70 同$60一件, 所以叫盛合確係抵D。雖然個人對海膽既喜好程度麻麻, 但都試左~ 無腥味之餘更是creamy呢!!!
每貫飯量偏少, 主角刺身比例上多!! 日本米既獨有香糯綿黏既質感好好食~ 但估唔到呢個甘蝦比刺身既牡丹蝦更有驚喜, 又厚又粗身!!! 綿滑中帶半點入口溶化既幸福感, 明明我平時唔太吃蝦架呢haha~~~無令人失望既日本菜~~
環境清靜得黎又有得慢慢嘆美食, 雖然未至於係食過最新鮮美味, 但都值回票價~
