The Pantry Club

營業中

休息中

今日去咗啟德體育館附近行吓，之前都食過呢間餐廳嘅其他分店，佢入面仲可以望住一個好靚嘅運動場，環境幾開揚幾舒服。煎牛排配焗蔬菜，燒汁 & 香蒜青醬配薯條我哋叫咗五成熟，牛扒煎得幾香口同埋好重肉味，配埋個燒汁一齊食味道一流，最鍾意係佢個底嗰啲焗蔬菜，唔使淨係食肉咁寡，同埋佢啲薯條嘅份量都幾充足，同埋炸得幾好，食扒一定要配薯條。燒帶子，黑魚籽，蘑菇、海膽忌廉汁&手工闊麵有好多粒帶子，處理得好鮮嫩同埋有好重嘅海水味。我幾鍾意佢個海膽忌廉汁，好重身嘅海膽味，個手工面好掛汁同埋口感一流。厚班戟，香蕉，拖肥醬，雲呢拿吉士醬 &脆焦糖呢度嘅pancake真係做到豐盈嘅感覺，輕輕一搖會跟住郁，食落去好重蛋白味，呢度嘅甜品真超級好食，必叫。薄荷朱古力奶昔飲落去唔係重口味嗰種，係輕身既，薄荷朱古力真係童年嘅回憶，幾啱飲。