十十川滬料理 (已結業)

今次喺openrice見到有呢個一人火鍋放題優惠，只需$131就可以購買到原價$146火鍋放題套餐，去到中午十二點左右，唔係好多客人，登記好再揀湯底，自己就揀左酸菜魚湯底，所有任食火鍋配料，麵點，飲品都係掃QR Code落單餐廳環境尚算舒適，每枱有磨砂簾隔住，個酸菜魚湯份量適中，魚味則正常，酸菜同芽菜份量算多，不過湯底可以再辣d, 另外再加肥牛，滑牛，黄喉，牛柏葉，津白同水晶粉等火鍋配料，牛肉味道都唔錯最大賣點係小籠包，擔擔麵任食，豆漿任飲，小籠包蒸好熱辣辣，肉餡同湯汁多，自己都食左4籠，擔擔麵質地適中，配料幾惹味，普通豆漿同黑糖豆漿唔太甜幾好飲職員服務態度幾好，主動幫客人加湯，埋單只需補番茶錢同加一，可以一次過品嚐川滬火鍋同任食麵點，相當值！