TUTTO by Habitu (已結業)

已經第三次食架啦,野食唔係特別差,都還可以,但係服務態度,唉,都已經講左去左三次,三次都係咁差,無改善過,終於今次頂唔順啦,寫左comment card,但係最覺得差既就係佢地d人見到你叫佢架,扮見唔到,仲有,有兩個職員全程既services係無笑容仲要串,咁食到最尾叫多左個pizza,未黎,其中一個女waitress問我地仲有無野order,唸住叫我地埋單,因為坐門口位既關係就望一望出邊係唔係好多人等緊啦,頂,一個都無,你唸住叫我埋單走人!!喂,我係黎食野架,唔係黎受你氣架!!waitress係咁樣,都算啦,點知係個經理都係咁,全程只係同門口個帶位傾偈,笑到上哂面,對客又係當見你唔到!!到我地走既時候唔係只係有我地寫comment card囉,仲有一台客都係係度投訴緊,唉!好心就做好d服務啦!!全間鋪頭只係個帶位同另一個經理係做得好囉,帶位有笑容,令到我想入去食既,而另一個經理就做野上心既!另外個d真係一個都做唔到野囉,搞到成間好似街邊茶餐廳,不過d態度仲差過街邊茶餐廳囉!!