金金日式燒肉店

營業中

休息中

今日同朋友一齊行銅鑼灣，行到咁上下肚仔餓啦，當然就去搵食啦，行行下我見到有個2拉架寫住新張優惠晚市消費八五折，咁岩我哋又想食燒肉喎，就順理成章上咗去試吓了。一入到去，服務員就非常細心和熱心去講解佢地嘅食物俾我哋聽，我哋好快就點完餸，等待美食上枱了。等左大約10分鐘左右食物陸續送上，我哋當然立即開始忙起來動手燒燒燒呢度嘅份量算正常，大約每人食到二至三件，雖然份量唔係話好多，但食物水準好高，肉質新鮮，冇雪藏味， 燒完出來嘅味道食落剛好，感覺上就好似飛左去日本食緊燒肉咁，非常出色。呢度嘅石頭鍋飯好出色，服務員自覺地，將辣椒漿倒入石鍋飯後幫我們攪拌好，非常抵讚呢2個石鍋飯辣道剛剛好，食落小小飯焦，口感一流，食完呢兩鍋飯，我哋都飽晒了。總結：呢度嘅食物水準高，味道好，最重要嘅係服務態度好，真係可以話食過咁多間燒肉店之中印象最好同好食嘅一間。加上而家佢哋新張做緊折頭，算幾抵食，真係要拿拿林再約朋友再去多次先得。