Amis

營業中

休息中

訂枱時店員專登問咗我有冇咩戒口唔食，我都清楚講咗我唔食牛。點菜時佢哋冇專登再問，我就以為佢哋有記錄低，我亦都冇重複提。點知第一個開胃菜，就已經係牛。我即場已經減咗好多分。但我都冇計較，費事俾佢哋麻煩。就請朋友食多份就算。點知去到個湯品，係一盒客洋蔥湯，湯入面全部都係牛肉碎。咁佢哋問我使唔使轉龍蝦湯，我都唔好意思要轉，因為唔想浪費食物。最後都轉左。我知道龍蝦湯本身要加錢。結帳嘅時候佢哋的而且確加咗。這方面有幾樣嘢做得唔好。第一，你問我轉唔轉龍蝦湯，係咪都要循例同我講聲要加錢呢？第二，係你哋本身嘅問題，對顧客嘅飲食禁忌置若罔聞，照用牛肉，點解要顧客去逼住承受一個貴啲嘅菜式呢。唔係比唔起，只係我都想有選擇，例如好多餐廳都一樣，你哋會唔會比唔食牛嘅顧客多一種唔使加錢嘅湯品嘅選擇。店員嘅態度由訂枱去到現場，都有點不置可否。高在上嘅姿態同自信不知從何而來。食物還可以，但未到驚豔。這樣的服務態度，下次一定不會再來了。