三鍋

營業中

休息中

已經好耐無出街打邊爐喇，今日跟朋友去左銅鑼灣一間好私人既火鍋店，可以唱K 打牌， 好岩聚會既一個地方，服務好好。我地叫左個胡椒豬肚湯 $138，湯底唔算濃，但係有好多配料，有豬粉腸、豬肚、豬皮，食晒先開始打邊爐。唔算叫左好多野食，但份量都大，食到好飽。新鮮雞半隻 $78，望落好靚，食落啖啖肉之餘，啲雞肉唔會好鞋。手工四寶丸 $108，雖然得8粒，但真係食得出人手製造，真材實料，好彈牙，4 款都好味。即炸響鈴 $58，浸三秒就剛剛好喇，邪惡味道，吸晒啲湯既精華。牛骨髓 $68，質感軟身，白雪雪，軟淋淋。打邊爐都要飲下野，飲品就係支裝，藍妹 $22同蜂蜜綠茶 $18。