Marks & Spencer 食品專門店

營業中

休息中

一向都喜歡Marks and Spencer的包包，今天落地鐵經過這裡見到有M&S的小食部，即刻坐下嘆個Combo, 即係牛角包加coffee. 收銀妹妹問洗唔洗熱番個包。我話好吖，跟住攞咗個号碼牌坐埋一邊玩手機等食。點知等咗半個鐘！於是放低個手機留意吓，發覺好多人都等緊。收銀counter放咗好多碟牛角包，但就冇飲品。好多人投訴。跟住阿收銀妹妹找人幫手送餐，其實已有3員工在。然後飲品陸續出現，但又錯單。等了40分鐘，我都忍唔住同佢講，我真係等咗好耐。個送餐妹妹問我叫咗乜，我話牛角包同泡沫咖啡。之後佢攞個包比我，又問我齊未，我話仲欠杯咖啡囉……又等了幾分鐘……😣 個包係凍嘅，但我都唔敢叫佢加熱，驚又要等。唉……其實個包同咖啡都ok, 但服務就得個亂字，希望可改善啦。