浪．居酒屋 (已結業)

因為係臨時訂位，而且黎到都幾滿下，所以2個人坐得都幾逼。我地叫左啲前菜，刺身同壽喜燒，張枱細到啲野要逐樣上先夠位。到到上壽喜燒時其實左右隔離枱都已經走左，個經理走埋黎拎走左豉油同牙籤同墊住清酒啲冰溶左既水既碟，已經覺得做乜鬼呀😑😑😑鍋加牛肉加其他配菜擺喺張枱都幾逼下，我初時唔知有咁多野冇問可唔可以拉埋隔離枱侍應就一次張所有野放晒上黎，就倒瀉左我地杯清酒。個女侍應講左2句sorry 就張隻杯放番喺濕左既位到就諗住行開，仲要我地叫先攞番啲tissue 過黎。食到9點侍應就走過黎問有冇野加單，1分鐘之後就攞埋張單過黎，好似趕客咁。但其實5-10分鐘前仲有客啱啱入黎，但就冇叫佢地last order 不過經理行埋去同佢地講食到10點 同捉得好嚴（但嗰時9點）。成餐飯2個人食左千幾蚊，咁既服務質素真係完全唔值。