二悅

營業中

休息中

睇到open rice 介紹，山長水遠去元朗打算幫襯，見舖頭外有幾人等位，於是問職員，佢哋話冇派籌，自己排隊等就可以，當時外面有兩男 及一男女等位，我相信我都排第三啦，我係一家三口，三位，跟住見前面一男有朋友到，職員問個男仔係咪齊人，後就帶佢兩位入座，當時舖外仍有一男 及另一對男女，咁我都應該仲係排第三啦，等左十五分鐘，大家都係舖外行行企企，冇特定排定隊，呢個時候又有一家三口到，同我一樣兩公婆加小朋友，又係舖外行行企企，突然職員又出嚟分別問幾多位，問完一男，再問情侶，之後問最後到的一家三口，再問我，問完我幾位後，我就再提醒職員我先過果一家三口到的，點知對方竟然唔認，話我冇排隊，我同佢講你一嚟到已經見到我哋啦，諗住職員會出面澄清，點知職員一句話：我哋唔會牽涉你哋爭拗，之後就走返入舖，果一家三口的小妹妹都話係人哋嚟先，個爸爸竟然厚面皮堅持不退，再問職員，佢仍然只係話佢哋唔會理，於是我太太話唔好拗喇，職員咁嘅態度間舖頭都唔方會好，決定唔食，所以未幫襯呢間嘢已經一肚氣！！