影片
更多
2009-09-14
55 瀏覽
因為方便今晚的家庭聚會，我們選擇了這家金玉其外的酒家。各項菜式其實味道不差，亦價錢相宜的，但服務態度及生意手法確實極差！我們一行16人，當中有三老三少，但侍應卻極力遊說我們要叫兩個冬瓜盅，說一個一定不夠分，但事實係一個冬瓜盅分到每人有一碗滿之餘仲有得添食囉~我們跟那個侍應講“其實一個都夠分有餘啦！”點知佢跟住話“咁每人可以食兩碗嘛~”(但咁都叫一個唔夠分！！？？)第一個因為仲有剩，放咗喺枱面，而第二個呢？就放咗喺路口茶几等......(蓋都冇個)餸菜追極唔齊，仲想老屈，我們叫了一揸酸梅湯、一揸竹蔗水、兩杯菠蘿冰，得揸酸梅湯到咗，其餘的催了兩次後，侍應夠膽拎住我們已經喝掉一半的酸梅湯話“咪到咗囉！(到咗？邊度？)喱揸咪係竹蔗水囉~(喱揸係酸梅湯嚟噃....)唔係~喱揸係竹蔗水嚟嘎...(姐姐呀~我俾喱半揸你即場試下味睇下係咪竹蔗水！)哈哈~揸竹蔗水仲未嚟咩？(仲有兩杯菠蘿冰呀.........=.=)隔咗一排.....我們又再催...=.=“未到咩？都冇落單！宜家落番啦~”(畫咗單嘎喇喎~)“係咩？呀！係喎~...但竹蔗水冇過畫喎~”(唔係嘛......=.=)最終食晒飽晒之後都仲係有一
各項菜式其實味道不差，亦價錢相宜的，但服務態度及生意手法確實極差！
我們一行16人，當中有三老三少，但侍應卻極力遊說我們要叫兩個冬瓜盅，
說一個一定不夠分，但事實係一個冬瓜盅分到每人有一碗滿之餘仲有得添食囉~
我們跟那個侍應講“其實一個都夠分有餘啦！”點知佢跟住話“咁每人可以食兩碗嘛~”
(但咁都叫一個唔夠分！！？？)
第一個因為仲有剩，放咗喺枱面，而第二個呢？就放咗喺路口茶几等......(蓋都冇個)
餸菜追極唔齊，仲想老屈，我們叫了一揸酸梅湯、一揸竹蔗水、兩杯菠蘿冰，
得揸酸梅湯到咗，其餘的催了兩次後，侍應夠膽拎住我們已經喝掉一半的酸梅湯話
“咪到咗囉！(到咗？邊度？)喱揸咪係竹蔗水囉~(喱揸係酸梅湯嚟噃....)
唔係~喱揸係竹蔗水嚟嘎...(姐姐呀~我俾喱半揸你即場試下味睇下係咪竹蔗水！)
哈哈~揸竹蔗水仲未嚟咩？(仲有兩杯菠蘿冰呀.........=.=)
隔咗一排.....我們又再催...=.=
“未到咩？都冇落單！宜家落番啦~”(畫咗單嘎喇喎~)
“係咩？呀！係喎~...但竹蔗水冇過畫喎~”(唔係嘛......=.=)
最終食晒飽晒之後都仲係有一味餸冇到，我們決定埋單走人，
千叮萬囑有味餸取消咗......一樣照拎張錯單嚟搏我們唔查單.....
個停車場優惠都真係夠晒經典！
個停車場係用八達通入閘的(即係可以唔要求列印印有入閘時間的小咭)
“你俾張車飛我丫~”(我們用八達通入閘的，冇咭)
“有嘎~入閘0個時拎嘎~”(但用八達通入閘，唔一定需要列印張咭嘛~)
“冇張咭仔我們俾唔到優惠你喎~”(間間酒樓食肆都係用單據去換嘎啦~)
“我們唔係咁嘎~要用車飛換coupon”(叫你經理嚟)
“哼~經理呀！？好~”佢失笑完跟住走咗去....
“(so call"經理"走嚟)我們要用車飛換coupon，要出數”
(你們酒樓冇任何指示一定要有車飛喎！)
“我們係向管理處買coupon的，要出數，所以你一定要去繳費處拎番張車飛番嚟換”
(你無理由要個客行兩轉下嘛！？)
“如果冇張咭仔我們真係俾唔到優惠你”
(咁你搵人拎埋D coupons跟埋我們去，一手交車飛，一手交coupon)
“我們安排唔到人喎！”(叫你經理嚟)
最後終於嚟個似經理look嘅人，不過同樣係廢話連篇！
是晚埋單千三蚊+ 一肚氣
嬲到震~
張貼