一點心 (通菜街)

營業中

休息中

琴日睇完戲 ,去返樓下太子食嘢,經過見到有間一點心 ,朋友就話試下啦 。其實都已經一半坐滿人，冇諗過十點幾都唔少人喎，仲要都仲話半係 外國人添 。整體味道只屬一般，吾太差，但係服務態度就差少少 ，因為我哋差唔多食完嘅時候， 佢就話出面有三個人就想我哋搬去隔離 ，但其實我哋已經講我哋差唔多走， 佢都在講話想我哋搬，但我哋只係飲一啖茶，等到吾等我地，佢攞埋我哋張單即刻埋單， 好似催人哋走咁㗎，最後連飲一口茶時間都冇。蘿蔔糕 都幾厚身，而且都有唔少蘿蔔味道都唔錯煎得幾香。腐竹卷，腐竹好難咬得開因為好靭 ，入邊嘅材料其實係幾好味，但係因為太油嘅關係所以食咗兩嚿就冇食。蝦餃 ，係今次最好食嘅嘢，好煙韌，而且入面嘅蝦都好多又彈牙。蝦米腸，皮好厚嚇親，只可以話佢嘅蝦米同埋蔥係幾好食，食咗一半都冇食放棄。咖哩土魷汁係唔錯，但係土魷唔太入，所以都係一般。