喜亭軒 (已結業)

係網上見到有88蚊包茶芥包➕1放題，覺得幾抵，抱著中伏都唔緊要嘅心態去試。我哋決定去飲早茶，去到先見到包茶芥包➕1遮住咗，需要另收茶芥➕1服務費。都OK接受到嘅，於是我哋等位啦，然後入到去坐低就即刻落單叫嘢食，入座等咗好耐都無人黎沖茶同加水，可能人手唔夠，服務一般般～然後就等咗30幾分鐘嘢食先上第一碟，兩件尖椒鯪魚滑，我哋怕第二轉都等咁耐就叫埋第二轉先，點知有個短頭髮嘅服務員走過黎鬧我哋係咁點，係咁點，食唔曬罰款。語氣真係好難聽！我哋當時懵咗，無出聲，依家唸返起真係當時應該鬧爆佢，佢唔單止鬧我哋㗎，隔離檯都係咁鬧。。。