劉興記生煎包專門店

營業中

休息中

星期五晚放工 ,有少少肚餓 但係又趕住睇戲, 係openrice搜尋，原來家樂附近都有劉興記, 之前喺上環試過真係唔錯。 朋友都話旺角店質素好之餘，店員姐姐仲好有禮貌。點咗四隻招牌生煎包， 同埋 上海排骨蔥油拌麵， 最重點就係 豆漿無限任飲， 唔知係咪間間分店都有， 凍冰冰非常舒爽， 店員姐姐都會主動問你添飲， 唔需要尷尬亦冇壓力。招牌生煎包 都要等咗一陣， 新鮮熱辣出爐果然係不同， 店員姐姐提醒小心爆汁， 生煎包底部夠香脆 ， 加埋蔥花同埋芝麻真係好香口 ，而且果然真係勁多汁。上海排骨蔥油拌麵， 排骨 炸到好清爽香口， 絕對唔肥膩， 而且排骨份量都很多， 啖啖肉 鹹香剛剛好。 拌面已經撈勻曬醬汁， 面質煙煙靭靭， 加少少豆瓣醬就更加美味。