獅城星馬餐廳 (已結業)

有時無端端都會好想食星加坡嘢🤣之前朋友介紹咗呢一間係中環嘅餐廳！所以今日就約埋男朋友去試吓😆😆食新加坡嘢最緊要嘅梗係要食下呢度嘅招牌肉骨茶啦！本身都好鍾意肉骨茶，呢度嘅肉骨茶份量好十足，而且二人份量絕對夠食！肉骨茶嘅湯底好香濃，唔會好重嘅藥材味，但係食得出非常足料！再加上呢度嘅肉骨茶仲有唔同嘅配料配合一齊食，可以話係好高水準！👏🏻👏🏻一個好值得推介嘅招牌菜！另外我哋仲叫咗一個串燒拼盤，上面係配合左馬來西亞嘅沙嗲汁，我哋叫咗雞肉同埋豬肉，首先呢個雞肉真係好嫩！而且配合埋呢個沙嗲醬汁，呢個沙嗲醬執唔係好水嗰種，係好有咬口好香濃嘅醬汁！另外我哋仲叫咗一份芽菜雞😆😆好鍾意食雞嘅我當然對雞嘅要求好高啦！呢個芽菜雞好香，而且雞肉份量好多！仲有唔同嘅醬汁可以選擇😆😆