千代鶴 (已結業)

見open rice訂位有半價就去試吓，8點去到有幾枱客，被安排坐bar枱一角，面對住2疊人咁高嘅便當盒同埋條風水銅錢魚，我只係嘗試坐過一格，希望唔好咁壓迫，然後職員同我講有人book唔畀坐，不過到食完走都係無人黎架！將心比己你食緊福食都唔會坐啦嗰啲衰位啦。所有壽司都掃左醬油比較濃味，個壽司飯一夾就散，隱約有浸宿味，每件壽司飯都唔同醋酸味，越食越酸🤢，好彩啲魚生無問題。啲串燒都偏鹹，雞翼有怪味，雞肝都好難入口。手卷就見到都唔開胃，個型又塌，紫菜又淋，材料又唔新鮮。食食下仲見到枱面有1/2隻不知明蟲行緊，好鬼嘔心。可能餐廳係無樓面嘅？招呼客人非常生手，QR code落單之後，上杯野飲個托盆都可以隊到我背脊，收碟又整跌張紙巾……綜合食物及用餐體驗，有半價我都唔會再食。