大丸ラーメン

營業中

休息中

等左一排先試到哩間聽說有個好靚仔嘅日本老闆兼主廚嘅大丸。 各花入各眼所以唔評論靚唔靚仔。侍應超好禮貌，感覺好好。店鋪冷氣裝修都令人覺得好舒服， 座位舒適。同朋友各點左鹽味豚骨，黑醬油豚骨同辣味豚骨湯底。之前聽聞份量少得可憐，但今次明顯已經改善，麵量好多，叉燒兩塊，慢煮feel嘅肉質，半隻温泉蛋，筍同黑木耳， 整體係飽肚嘅。味道方面，我食鹽味豚骨湯底，一個字，非常淡，店員解釋哩個湯底係偏淡如果想濃味可以試下黑醬油味嘅，不過重點就係淡你先特別試到個湯嘅其他味道，係根本冇味，係冇味，一啲豚骨味都冇，我試埋朋友嘅湯，相比之下的確係濃好多，但係！！！！黑醬油就只有豉油味，辣就只有辣味，豚骨呢？仲係冇。我唔係專家食神，唔知湯稀味淡係咪其中一種做法，但好冇食我只可以講真係麻麻地。午餐88蚊真係有點太貴了。