The Missing Piece

營業中

休息中

已經係第二次幫襯呢間小店，第一次食應該係一年前，去覓食個日落住大雨，但都特登去到西營盤搵食，說明呢間小店係我心目中嘅地位。呢間小店有我最鍾意嘅raw cake，市面上好少呢款蛋糕，口感類似cheese cake，但係無蛋無奶，gluten free，對敏感同素食者係一大福音。店內有幾款蛋糕都幾健康，但我主要係為左raw cake黎，主要有三款味道，分別係抹茶、咖啡、朱古力。因為上次試咗抹茶，今次試下店員推薦嘅咖啡。試完之後十分難忘，比起抹茶，我覺得榛子底層同咖啡味更夾，食落亦唔會好甜，上次試抺茶味，覺得抹茶味被椰棗嘅甜味蓋過，但今次件cake嘅搭配真係好完美，食完有幸福嘅感覺同上次一樣，我都係叫左個藜麥沙律，另加燒雞，距個燒雞做得好好，好滑身，個皮燒得好脆，係坊間好難食到，我本人對食野比較挑剔，但呢間野嘅質素真係好高，值得一讚👍🏻如果真係要挑剔一樣嘅話，就係坐得唔係咁舒服，因為主要以高凳為主，不過我估店主係為咗慳位，始終空間唔大，但店員同店主都十分健談友善，好多都係熟客。