影片
更多
2007-07-22
25 瀏覽
今晚嫲嫲生日, 訂左呢度食生日飯, 一家人齊齊整整, 本來都食得幾開心既. 一向係度飲茶, 以前都試過係度飲, 水準都唔錯, 但係今晚好似麻麻地, 包括服務同食物. 5分滿分的話﹕大蝦沙律(2分)﹕叫大蝦, 但係仲細隻過我隻手指尾, dressing又太多, no good.西蘭花炒花枝片+珊瑚蚌(4分)﹕呢味其實好難整得唔好食既, 不過都叫做大大份, 落既料都足, 唔錯.酥炸帶子盒(3分)﹕蝦多士既帶子版, 一向對勁油既蝦多士無乜好感, 塊炸包吸晒全部油, 由蝦改左做帶子亦未有驚喜. 與炸蟹鉗比較的話, 蟹鉗跑贏十條街.節瓜瑤柱甫(4分)﹕另一不易失手之作, 好在個獻汁唔太勁, 唔似食緊漿糊.食到呢度, 我阿媽已經不停叫口渴, 味精作怪.四寶翅(2分)﹕唔知四樣寶係咪識隱形既呢? 四寶我又唔見, 翅又唔見, 得個漿糊湯. 炸子雞(2分)﹕好咸, 所以其他都唔駛講. (可能有太多地方而家整炸子雞都整得好好﹕脆皮得黎又不失嫩滑, 所以我以為炸子雞好食係必然既，不過今晚呢隻, 唉, 真係好咸)上湯浸雜菌時蔬(4分)﹕清清地, d菰切到一條條咁, 口感都不俗. 主角﹕清蒸大海斑(0分!!!)
5分滿分的話﹕
大蝦沙律(2分)﹕叫大蝦, 但係仲細隻過我隻手指尾, dressing又太多, no good.
西蘭花炒花枝片+珊瑚蚌(4分)﹕呢味其實好難整得唔好食既, 不過都叫做大大份, 落既料都足, 唔錯.
酥炸帶子盒(3分)﹕蝦多士既帶子版, 一向對勁油既蝦多士無乜好感, 塊炸包吸晒全部油, 由蝦改左做帶子亦未有驚喜. 與炸蟹鉗比較的話, 蟹鉗跑贏十條街.
節瓜瑤柱甫(4分)﹕另一不易失手之作, 好在個獻汁唔太勁, 唔似食緊漿糊.
食到呢度, 我阿媽已經不停叫口渴, 味精作怪.
四寶翅(2分)﹕唔知四樣寶係咪識隱形既呢? 四寶我又唔見, 翅又唔見, 得個漿糊湯.
炸子雞(2分)﹕好咸, 所以其他都唔駛講. (可能有太多地方而家整炸子雞都整得好好﹕脆皮得黎又不失嫩滑, 所以我以為炸子雞好食係必然既，不過今晚呢隻, 唉, 真係好咸)
上湯浸雜菌時蔬(4分)﹕清清地, d菰切到一條條咁, 口感都不俗.
主角﹕清蒸大海斑(0分!!!)﹕我有d唔明, 點解一間酒家, 一個大廚, 唔可以確保d野係熟既先上檯? 蒸得太老, 都仲話個廚手勢唔好, 但係條魚唔熟..... 唉, 我地自己煮飯都識篤下佢啦, 你有咁多蔥係度, 一上檯個部長又會又切又摷咁, 邊個知條魚有一個筷子印呢? 但係, 不幸地, 我地條魚一出場, 部長一切開, 佢自己都搬番佢走.
5分鐘之後番黎, 條魚就變左煲完湯都無咁鞋. 浪費!!!屋企d長輩好不滿, 同部長反映, 但係個後生部長話呢d魚係咁既, 係一定鞋既, 蒸十條十條都鞋, 仲話蒸過一條俾我地都得, 但係佢唔擔保唔係鞋既.
我老爸就係因為佢呢一句, 就叫佢蒸過條. (原本佢地係想反映下既者, 不過呢d服務, 係確實會令人扯火既)
再之後, 等左超過半個鐘條魚都未返, 但係記住佢整個廳只有十檯客左右, 仲要係大家都食得七七八八架喇.
長壽麵(4分)﹕好彩都無壞大家同阿嫲賀壽既雅興. 個麵其實幾好食.
荷葉飯(5分)﹕大家一致讚賞既荷葉飯!乾身, 有荷香味, 不過由於太飽, 故只能淺嘗.
壽包(3分)﹕我一d都唔覺得佢有d乜野咁好食.
紅豆沙(4分)﹕其實都係做得幾好既一項, 不過都係果句, 太飽了(食得飽之餘受氣都飽), 所以呢項甜品就算起沙, 就算唔係咁甜(味道確實係好!), 都有d"食而不知其味"了.
到最後, 無人為條魚既事say sorry過, challenge我地果個部長後來仲唔見左人, 而之後其他同事又會話"頭先我唔係度呀, 唔知你地d魚做乜呀".
咁樣, 你叫我點推介其他人再黎?
張貼