可可豬海南雞專門店 (寶榮大廈) (已結業)

海南雞係我其中一樣最鍾意食嘅食物，而呢間海南雞好有特色，佢係用竹絲雞嚟做㗎，食落好有口感唔會話太淋，最有驚喜嘅係佢嘅湯飲完唔會口渴，冬天整返杯感覺好溫暖好幸福。佢嘅麻辣雞飯係令我哋覺得好有驚喜嘅，嗰種辣唔係普通香港人食嘅，而係比較辣，食落好過癮好好味。另外佢個雞腎好唔錯，甜味辣味鮮味配合得恰到好處。另外一樣野要讚嘅係，佢啲餐好多時都會跟雞味油菜，令到成餐外賣健康左。今次我哋仲試咗佢個凍奶茶，又係唔會太甜，好味得來又健康。