阿荔車仔麵

營業中

休息中

餐廳位置方便，係荃灣廣場後面的那條街。裡面的坐位寬敞，而且裝修簡約帶點小清新，有cafe的格調。店員推介了沖繩黑糖豬手麻辣撈，果然冇介紹錯。豬手上沖繩黑糖去炆，食下去帶好似瑞士汁帶點甜味，中和了豬手的油膩感。豬手大大件，炆得軟淋入味，又有光澤，有滿滿的骨膠原。撈麵選擇了手工拉麵，煙韌有咬口，加上麻辣醬，麻中帶小辣，食得很過癮。原骨湯底車仔麵，配辣玻璃魷魚、秘制牛筋牛肋腩、炸蝦棗和冬菇。湯底加了牛腩汁，飲落去清香帶甜，不會過濃，掩蓋了其他食材的味道。冬菇好厚身，又炆得夠味。秘制牛筋牛肋腩、炸蝦棗更是值得推介。牛筋牛肋腩全部俾到足，大大件，水準拍得住傳統的粉麵店。咬落去嫩腍又充滿肉汁，沒有羶味。 食過咁多間車仔麵店，炸蝦棗真的是第一次見，因為似一粒粒的棗，故有此名。蝦棗新鮮奉上，熱辣辣，大大粒。蝦肉新鮮爽彈，因為有加上其他配料，所以食落去比蝦餅多了一個層次。估唔到一間車仔麵店帶俾我咁多的驚喜。看得出店家的用心，食材全部都不馬虎。