惠比壽本店

營業中

休息中

首先利申，我住惠比壽所在地區，不時都去幫襯，叫做熟客仔啦，3月14號晚再度光顧，叫咗唔係慣常食嘅選擇。今次食廣島蠔火煱烏冬，湯底味道鮮又濃郁，主角廣島蠔好肥美，雖然份量都正常豐足，不過今晚胃口幾好，食完仍想叫啲嘢食。結果揀咗$14一件嘅八爪魚壽司共兩件，一件件賣真係好方便我喱啲想食少少嘅人。一上枱見到擺盤同盛載嘅陶瓷方形碟就覺得好靚，食落味道仲有驚喜，我估係用咗海苔捲住八爪魚同壽司飯糰所致，當沾少少醬油同食，竟然提升咗八爪魚嘅鮮香味，おいしい再者，伴碟的兩片醃漬大根都好食呀，爽脆清甜，好想食多幾片，不過可能再開胃一啲，要再叫多樣嘢食喇。