黑木亭居酒屋 (清風街) (已結業)

唔知係咪秋風起，最近對食串燒既意慾大左，經過天后原來都有幾間食日式串燒既居酒屋。今次揀左呢間黑木亭試下，佢lunch menu都幾多選擇，除左串燒，仲有壽司、漢堡等。因為想食串燒，加埋menu張相入面既燒飯團好吸引，我就揀左呢個串燒set喇。上菜好驚喜，基本上係同menu張相一樣咁靚。串燒有帶子、雞翼、豬腩肉同埋牛舌（唔知係咪次次唔同呢）。味道略嫌偏咸，但肉質適中，有肉汁，唔會好乾咁。至於個飯團就煎得好靚，充滿食飯焦既感覺，咬落去又唔易散開，值得一讚。不過始終只係一舊飯，冇咩味道，食一舊其實都好夠喇。總括黎講可以再去encore，或者試其他item!