小南洋 (Citylink)

營業中

休息中

今日出去沙田宜家傢俬買野，咁係沙田火車站落車後就見到商場裡面有間小南洋新加坡菜，咁人唔係好多就去試下啦！等左3張枱就有位啦，非常好彩。坐低左之後店員會俾個qr code你，自助落單，咁我就可以慢慢睇menu再選擇菜式啦！我地就選擇左個星洲雜錦叻沙同埋海南鴛鴦雞飯。星洲雜錦叻沙配料有蝦，魚蛋同埋海南雞，個叻沙湯非常香濃，帶微辣，而且好香椰香味道，我最欣賞就係佢地魚蛋，好彈牙同埋好香魚味，蝦同海南雞都無咩特別，餐飲就跟左杯熱咖啡跟煉奶，但可惜就太甜啦，下次要叫少甜。鴛鴦海南雞飯，海南雞再加燒雞，有湯有菜，個湯就無咩特別，菜就凍凍地，而我最欣賞嘅就係燒雞，非常入味夠味，驚喜就係海南雞有跟雞比，點埋個醬汁都唔錯，但係燒雞就較為出色，餐飲就係凍齋啡少甜，都可以。 最後食完就讓枱比其他等緊嘅客人啦，好滿足。