三川居酒屋 (已結業)

係sogo隔離呢間居酒屋，行到攰就去食，6點本身冇咩人，但我地坐低唔十五分鐘，個間滿左，哈哈。九點刺身盛生蠔、牡丹蝦、5款刺身、2款貝類全部都好新鮮，食到超級滿足，最令我回味係個大拖羅，真係好懷念以前可以飛日本周圍食既日子。明太子蟹肉醬蠔肉磨菇批個大啡菇係個底，上面有濃濃明太子醬，中間有隻大大隻既蠔，面仲係有啲碎蟹肉，個菇有好多水，連埋啲濃味醬超好食。串燒點左四樣，七味雞軟骨、燒雞腎、串燒活白鱔、醬味燒墨魚咀雞腎同雞軟骨同期望中既一樣，有日本居酒屋既味道，個燒白鱔啲肉好實又入味。