蘇媽.蘇媽馬來西亞茶餐室 (已結業)

近排經過尖沙咀都會經常幫襯 蘇媽.蘇媽馬來西亞茶餐廳。餐廳裝修得好有馬來西亞風情,感覺一流,風味十足,空間感足夠,坐得好舒適。椰香咖央多士 38元多士四四方方一份有四件,多士好香脆入口非常鬆軟,入面嘅椰香咖央又香又甜,非常好味。高佬麵配雞扒 72元馬來西亞高佬麵口感有啲事公仔麵,比公仔麵更加彈牙,面上面有隻太陽蛋撈埋啲蛋汁落去增添口感同味道,旁邊配有魚乾仔,花生,馬來西亞辣醬,味道非常配搭。雞扒size非常大,雞皮煎到好香脆,雞肉仲係好嫩滑,好juicy,食到我舐舐脷。肉骨茶豬腳彎 58元 豬腳彎煮到好淋,食落去豬皮好有膠質,口感彈牙,吸收埋肉骨茶與香味,增添味道層次,配上蒜蓉辣椒黑醬油,令到豬腳更加好味。肉骨茶材料豐富,藥材味香濃,溫和甘香,正想嗌多碗嘅時候原來肉骨茶可以免費添飲,真係服務體貼。椰汁班蘭冰,椰香味香濃,同班蘭味道好配搭。