Lobster Shack (已搬遷) 新店位置

無意中發現一間食龍蝦嘅小店。入面其實好細,只係坐到幾張枱。行出行入都好窄。不過服務員非常之熱情。由帶位到落order都好細心。非常之有耐性解釋餐牌。又會分享佢哋覺得好味嘅甜品。就算問多一兩次都絕對唔會不耐煩。新年期間，佢哋有個新年餐單。埋單大概$400。係一個四個course嘅餐。頭盤有一隻法國生蠔，一件crab cake 同一個香煎帶子。crab cake 略嫌細咗少少同埋炸得有啲乾。生蠔好新鮮，好好味。帶子都好味。叫咗個龍蝦湯，龍蝦味好夠。唔係溝粉嘅龍蝦湯。主食要咗一個意粉同埋一個surf and turf. 意粉好香。軟硬適中。調味好。surf and turf 嘅牛扒係肉眼。生熟度做到要求嘅medium Rare。夠晒牛肉味。龍蝦好有驚喜。因為通常食到嘅龍蝦會好乾，或者好硬，或者好梅。呢度就煮得啱啱好熟，肉質嫩滑。甜品係朱古力或者檸檬撻。兩個都好好味。呢度真係好鬼佬嘅鬼佬餐。唔係一般尖沙咀呃唐人嘅鬼餐 。