木糠甜品屋

營業中

休息中

今日同朋友食完飯之後唔係好飽，所以就去搵甜品食，經過見到尼間甜品冇人排隊時就入去坐，因為條街真係好凍。我送朋友就叫咗一個二人套餐，包括有糯米糍全盒、南瓜粟米露同埋朱古力木糠布甸。糯米糍有三粒——香蕉糯米糍、朱古力士多啤梨糯米糍同埋芒果糯米糍。佢比較特別嘅係朱古力士多啤梨糯米糍，表層係朱古力而入面係士多啤梨，其實都幾好食，三粒糯米糍個皮都係薄嘅，亦都有口感。個朱古力木糠布甸係真係好食，其實係一層用Oreo 做嘅餅碎一層忌廉，食落仲有一種家嘅味道，係真係唔錯。相比之下，個南瓜粟米露就真係麻麻地，因為冇乜南瓜味。