黑木亭居酒屋 (清風街) (已結業)

今次想搵間餐廳可以慶生，朋友就介紹左《黑木亭居酒屋》，居酒屋位於天后，聽人講佢地嘅菜式打卡一流，即刻去試下先。A5 宮崎和牛小熊泡泡浴壽喜燒 配棉花糖兔兔酒2杯 冰造嘅白色小熊真係好得意，睇住佢慢慢溶真係好似浸緊泡泡浴一樣。牛肉用左A5 宮崎和牛，大理石油花入口即溶，牛肉味濃郁。食完牛肉，仲有蔬菜、豆腐同埋菇類，吸引哂甜甜地嘅醬汁。另外套餐仲配棉花糖兔兔酒，兔兔酒酒味都比較強烈，食埋棉花糖就啱啱好。黑松露大拖羅蓉卷 濃郁嘅黑松露加上綿密嘅大拖羅蓉，一入口黑松露係口腔散開，再加上大拖羅嘅濃厚魚脂味，久久不散。北海道士多啤梨牛乳乳酸 上面用左棉花糖同埋朱古力脆脆做裝飾，乳酸味好濃郁。蜜桃烏龍茶 上面放咗一隻冰嘅熊仔再加埋玫瑰花瓣, 好多亮點，桃味都幾香又唔會太甜。佢哋嘅串燒好特別，有三種口味可以揀分別係鹽燒、執燒、忌廉。豚肉包雞髀菇用左豚肉包裹着雞髀菇，再加上佢地嘅武士辣醬，都幾惹味。豚肉年糕用左豚肉包裹住年糕，外層充滿油香，內層又煙煙韌韌咁，醬汁就用左韓式辣醬，味道好豐富。豚肉虎蝦用左豚肉包裹住去殼嘅虎蝦，食落啖啖肉，好特別嘅係佢地用左忌廉醬，令到口感更加順滑。生日當然唔少得生日蛋糕，佢