燒肉 JuJu

營業中

休息中

我哋今次就去咗旺角食好西，去咗「燒肉JuJu 」食晚飯，餐廳主打一人燒肉套餐！ 佢哋仲有多款特調自家醬汁配備，可以配搭燒肉同沙律，例如和風沙律汁、牛骨汁醬、和風芝麻醬等等。價錢非常親民，所有套餐包括紫菜飯、湯、泡菜或日式沙律。湯可選味噌湯或玉米湯，而紫菜飯亦都可以改成 明太子日本蛋烏冬，成個套餐令人超滿足！店內的牆壁有很多黑白漫畫，仲有掛滿日本裝飾品，超有氣氛，感覺尤如置身於日本之中。和牛壽喜燒 配 紫菜飯擺盤優美，和牛肉色澤誘人，呈現出美麗嘅油花。和牛係燒緊嘅期間，散發出濃郁嘅肉香。入口即化，肉質鮮嫩多汁，令一試難忘。套餐配紫菜飯，食完肉之係再食紫菜飯，可以減低肉嘅油膩感。壺漬蒜香豬腩條 配 明太子日本蛋烏冬呢個壺漬原條蒜香豬腩條，壺漬的烹飪方式使豬腩條嘅味道更加醇厚，蒜香不僅提升了豬肉的香味，仲增添了獨特的風味。豬腩條肉質鮮嫩，肥而不膩，燒過後咬下去，能感受到肉汁在口中爆開。明太子日本蛋烏冬份量十足，超多明太子撈哂成碗烏冬，超正！煙韌Q彈嘅日本烏冬，伴隨住蛋黃嘅香氣，仲有明太子會帶點微微辛辣口味，味道超正！