郁鍵快餐

營業中

休息中

好耐冇上過咁遠食飯，就特登過嚟試吓佢嘅水準有冇下降。今次照舊叫咗黑椒雞扒炒飯。可能今次人數比較多，平至五至10分鐘出餐。今次就等咗成四五個字先有個飯食。真係餓死人。個飯一上枱仲有煙喺即炒，依一方面依然Keep到水準。講返啲飯，果然冇乜點退步，啲飯炒到粒粒分明，而且黑椒味好夠，又唔會搶走啲蛋嘅香味。師傅炒飯嘅功力果然厲害。之後都講吓隻雞扒。份量唔算好大，我諗大約100克左右。但係就好脆口。明顯有處理過。所以我覺得呢個雞扒其實係幾好食。唔會覺得呢一個配搭好奇怪。我哋食嗰陣有好多人買外賣都係叫炒飯。所以我會推薦大家上嚟試一下佢啲炒飯。但係有心理準備因為人越來越多，可能等嘅時間有啲長。但係侍應嘅服務態度都唔錯。如果唔係太遠嘅話我都會成日上嚟幫襯佢。