PHI Coffee & Pancake (MegaBox)

營業中

休息中

望到下午茶時間係兩點半開始就知道呢間餐廳係比較繁忙既。入座既時候好好彩仲有對外開放位。餐廳講明可以帶寵物。我都見到有寵物同主人一齊。唔知係商場規定還是餐廳，再或係主人廢事整污糟地方。兩隻狗狗都有包尿片。一入去就好想打卡。好多熊仔，有大有細。每張枱都有一隻細既。即刻攬住影下相先。下午餐有疏乎厘，同朋友一人叫咗一個，套餐包一杯嘢飲有咖啡或者檸檬茶，如果四隻飲品都唔啱的話就要+$28或者$32叫其他嘢飲。我個餐係伯爵茶味嘅疏乎厘，伯爵茶主要係淋響上邊嘅醬汁，疏乎厘好有空氣嘅感覺，入口即溶，仲有其他配搭包括一塊小朱古力。埋單每人$75都好抵，下次可以試吓午餐或者晚餐。