迷客夏 (如心廣場二期)

營業中

休息中

去完荃灣行完海之戀商場後, 又到買甜品返屋企既時候, 由荃灣廣場行過去海之戀好似只係見到迷客夏呢間飲品店, 其實係年幾前我有飲過一次迷客夏好多食評推介既大甲芋頭鮮奶, 但我覺得唔好飲, 芋頭味道好淡, 同D鮮奶好似各有各生活咁, 唔夾。但無辨法, 我呢個甜品迷一日唔食過甜野唔舒服, 再加上經過佢地門口見到佢地有賣芒果優格喎, 突然眼睛為之一亮, 決定再去幫襯。我一心以為芒果優格同我係我是酸奶君買到既芒芒果海一樣, 將芒果汁加係D優格入面, 但我望真D個MENU, 多芒優格隔離寫住多芒芝芝, 唔係好明, 所以就問店員咩意思。佢話係芒果沙冰加芝士或優格係上面, 即係好似奶蓋咁。OH, 咁即係唔係我想要既嗰種。咁我就要考慮一下究竟繼續嗌優格好定要返傳統芝士奶蓋比較穩陣, 問題就黎喇, 當時只有我一個客人, 個店員靜默咁望左我5秒, 目無表情有點不耐煩咁唸住轉身既時候, 我話: 咁我要一杯多芒優格吖。然後點知個店員同我講: 我地無優格!吓, 早D講聲我就唔使唸啦!個店員心地唔太好喎!雖然服務態度唔好, 但杯多芒芝芝的確唔錯, 芝士奶蓋香濃順滑, 芒果汁感覺新鮮無溝糖水, 無藥水味。甜度剛好。