李家 (山林道)

營業中

休息中

好耐以前已經聽過李家炸雞好好食好出名，但係由於本人唔好炸雞所以直到今日先有機會試。今日我去李家都唔係食炸雞🤣今日試咗佢嘅芝士辣豬仔骨同埋雪濃湯😍😍味道都非常一流，好地道韓國正宗菜！絕對有回頭！餐廳非常有韓國風味，環境非常乾淨衛生！芝士辣豬仔骨超多芝士，我呢個芝士控真係覺得超好食！仲有大大條薯角配上芝士真係冇得彈。辣豬仔骨肉質鮮嫩鬆軟，超濃郁醬燒口味，配上芝士都係食唔停口。另外個雪濃湯一啲味精都冇呀，好香鮮牛肉味，熱辣辣配白飯一流。