夏捌月 (已結業)

前日放工約左朋友食飯，朋友話想試下呢間西野喔！因為知道係小店關係我地訂左6:30枱坐底就揀野食啦，見到佢有個2人set幾多野食同幾底，不過兩個都話減緊肥既女仔，都係散叫兩個餐算😂🤣唔好食咁多！我地叫左一個蟹肉蟹膏意粉同羊架！跟餐有得加$$轉酥皮濃湯，好耐無飲過啦，於是我地都轉左！餐廳食物都算來得好快， 飲完湯一陣蟹肉蟹膏意粉同羊架就到！全部都熱呼呼的！🤤蟹肉蟹膏意粉肉眼睇就唔太多蟹肉係面既，不過食落都到好多蟹肉絲掛左係麵上面，陣陣蟹汁，好鮮甜呀！意粉又煮得有的粘口，正！羊架呢就係四件連埋一齊既，可能咁樣煮可以鎖住更多肉汁，羊架煮得剛剛熟，唔會覺得有羶味！羊架下面有甜甜的蕃薯蓉！🍠🍠幾特別呢！食飽飲返杯熱檸水幫助消化！☺️