上海弄堂菜肉餛飩 (電氣道)

營業中

休息中

正苦腦上堂前食咩嘅時候，咁啱經過上海弄堂，於是就決定入去食個晚飯。睇完餐牌之後，決定散叫，我叫咗醉雞菜飯，朋友就叫咗雲吞擔擔麵，然後我哋再叫咗個韮黃炒鱔糊 share。醉雞肉質嫩滑，皮下更有一層薄薄嘅啫喱狀精華，仲要好好彩分配到雞脾，配埋個菜飯，Yummy! 雲吞擔擔麵用嘅係上海雲吞，不但雲吞皮好滑，而且肉餡超飽滿，配上微辣惹味嘅擔擔麵，正! 韮黃炒鱔糊嘅鱔肉一啲都唔腥，連我呢啲咁怕食腥味嘅，都唔駛加胡椒粉，而且韮黃帶出咗黃鱔嘅香味，加埋爽口嘅芽菜，真係飯都食多幾碗呀! 另外，全晚店員不時會主動添加熱茶，服務態度值得稱讚，小店有咁嘅食物質素同服務態度，全日又不設加一，有下次!