影片
更多
2022-10-30
382 瀏覽
極少過海既我，今日行開灣仔咁難得，梗係上網做足功課睇下有咩好食啦🤭俾我搵到係謝斐道既呢間小店，食完覺得自己冇揀錯😍一行兩人，5點鐘去到坐低店員就已經放低左兩杯茶☕️，其實平時我真係麻麻地茶呢杯呢，一飲落去真係嘩左一聲，點解可以咁好飲，果種味道有d 難形容，好似有d 斑蘭葉味又有d 泰式奶茶味道既混合體，聞起黎好清香，飲落去係好舒服好滿足🥰下午茶由2:30-5:30, 都唔少選擇，仲有好多小食，全部係細份，價錢唔貴，可以試多幾款😄===========🔹越南生牛肉湯河粉 $43雖然係下午茶但份量都唔少，牛肉有4-5大片，配菜有芽菜，蔥花，蔥白，洋蔥🧅，薄荷葉☘️，九層塔青檸同指天椒🌶另外上個牛肉黎到仲係粉紅色，牛肉薄薄地唔肥，夠嫩滑彈牙有口感，淡淡牛味配上清甜帶牛骨味既湯幾好食河粉好滑身，不過煮過火左少少，質地偏腍河粉加埋配料同湯好夾如果湯再濃多少少就perfect😆推介指數：8/10===========🔹酸辣鳳爪沙律（細）$25 (跟餐價）呢個係餐牌冇，係睇到佢貼係牆身既相先知有，散叫要 $45, 跟餐價勁抵黎到時有d 嚇親，個份量多到好難相信有大量紫洋蔥同芹菜，另外有芫茜，紅蘿蔔絲🥕，
俾我搵到係謝斐道既呢間小店，食完覺得自己冇揀錯😍
一行兩人，5點鐘去到
坐低店員就已經放低左兩杯茶☕️，其實平時我真係麻麻地茶
呢杯呢，一飲落去真係嘩左一聲，點解可以咁好飲，果種味道有d 難形容，好似有d 斑蘭葉味又有d 泰式奶茶味道既混合體，聞起黎好清香，飲落去係好舒服好滿足🥰
下午茶由2:30-5:30, 都唔少選擇，仲有好多小食，全部係細份，價錢唔貴，可以試多幾款😄
===========
🔹越南生牛肉湯河粉 $43
雖然係下午茶但份量都唔少，牛肉有4-5大片，配菜有芽菜，蔥花，蔥白，洋蔥🧅，薄荷葉☘️，九層塔
青檸同指天椒🌶另外上
個牛肉黎到仲係粉紅色，牛肉薄薄地唔肥，夠嫩滑彈牙有口感，淡淡牛味配上清甜帶牛骨味既湯幾好食
河粉好滑身，不過煮過火左少少，質地偏腍
河粉加埋配料同湯好夾
如果湯再濃多少少就perfect😆
推介指數：8/10
===========
🔹酸辣鳳爪沙律（細）$25 (跟餐價）
呢個係餐牌冇，係睇到佢貼係牆身既相先知有，散叫要 $45, 跟餐價勁抵
黎到時有d 嚇親，個份量多到好難相信
有大量紫洋蔥同芹菜，另外有芫茜，紅蘿蔔絲🥕，仲有一塊生菜🥬墊底，全部都好新鮮，越食越開胃
鳳爪有成十件，好爽口彈牙，個酸辣汁係勁醒胃
推介指數：10/10
===========
🔹越式鮮蝦米紙卷（細）$21
呢個又係抵食之選
裡面材料有花生🥜，檬粉，青瓜絲🥒，紅蘿蔔絲🥕，薄荷葉，扎肉，生菜🥬，白芝麻，仲有一隻蝦🦐，好豐富
超級足料，食材好新鮮，不過蝦就唔算好彈牙，蝦味都唔係好出
個米紙卷好煙韌軟糯，點埋個越式辣醬真係一絕😋
推介指數：9/10
===========
🔹香茅豬頸肉（細） $35
份量完全唔係細，有6大片，好抵食
件件都好Juicy 嫩滑, 仲食到有輕微既豬油香，而且香茅味道剛剛好
大大片算厚切，口感爽彈😋
推介指數：9.5/10
===========
🔹香茅豬扒（細）$28
一整塊豬扒切開左5件
香茅味同豬頸肉差不多，不過略嫌豬扒有少少乾，肉質都係有咬口果一種，而且食唔到有鬆肉粉味道
推介指數：7/10
===========
🔹香茅雞翼（細）$20
雞翼煮既時間唔過火，保持到肉質嫩滑彈牙，不過得兩隻就有少少貴
推介指數：8/10
===========
跟餐配熱🍋水加$2, 好大杯😉 檸檬好香不過帶微苦
另外散叫左可樂$15，竟然係冰另上，好有誠意😍
每款香茅食物我都點佢個越式辣醬，初時唔覺得佢辣，佢係越食會覺得越辣果一種，好有層次感，非常醒胃又唔膩
食咁多野，埋單只係$189, 真係平到笑🤩 老闆太有良心🥰
因為個茶太好飲啦，我問店員可唔可以賣茶葉俾我，佢地問完老闆商量完就賣左一大包俾我啦🥰🥰 佢話呢款叫菠蘿茶，但係我又唔覺有菠蘿味😅
總括黎講呢間餐廳真係好正宗越南味道，老闆同大部份店員都係越南人，佢地服務好好，有禮貌又好客，我讚佢地d 茶好飲佢地仲問我駛唔駛飲多杯❤️
食到飽飽又唔覺得口渴同滯，估計佢地冇咩落味精☺️
呢間小店真心推薦大家去試🥰
張貼
