野玩田店

營業中

休息中

放假同阿女去尖沙咀iSQUARE國際廣場shopping,晚上去廣場內嘅野玩田店食晚餐。餐廳內有水種植物，色彩鮮艷，令到整個用餐環境好有田園風格。 粟米湯creamy帶甜味餐包暖暖的好軟熟，塗上牛油好美味。炭燒加拿大A A A+級安格斯無激素西冷12oz，揀咗5成熟，上枱已聞到香噴噴嘅炭燒味，西冷切開中間肉質粉嫩，食落口感豐富，油花均勻，牛味濃郁。薯蓉同埋茄子亦有燒過，啖啖都有炭燒香味。燒焗加拿大冇激素豬鞍架及扒菠蘿配黑醋燒汁，特厚加拿大無激素豬鞍扒經炭燒調製，除咗肉味香甜嫩滑，肉質細膩柔軟，重有香濃嘅炭燒香味，脂肪含量比一般豬少。 也可享受骨與肉結合的特嫩嚼勁！燒菠蘿新鮮香甜。甜品：芒果布甸賣相好精緻，味道香甜滑溜。凍檸茶香濃，糖水另上，可以自己調節甜度。